एनएमबि बैंकले गत आर्थिक वर्षको नाफाबाट नगद लाभांश वितरण गर्ने भएकोे छ । बैंकको सोमबार बसेको सञ्चालक समिति बैठकले गत आर्थिक वर्षको नाफाबाट करसहित हाल कायम चुक्ता पूँजी १८ अर्ब ३६ करोड ६७ लाख ५ हजार ९५९ रुपैयाँ २४ पैसा को ८.२५% नगद लाभांश वितरण गर्ने निर्णय गरेको हो । प्रस्तावित लाभांश नियामक नेपाल राष्ट्र बैंक र एनएमबिको आगामी वार्षिक साधारण सभाबाट पारित भएपछि सेयरधनीलाई वितरण हुनेछ । एनएमबिले अघिल्लो वर्ष भने १२.५% बोनस सेयर र ३.३% नगद लाभांश वितरण गरेको थियो ।
