७ भदौ, पोखरा। तनहुँको आँबुखैरेनीस्थित ऐना पहराबाट मर्स्याङ्दी नदीमा खसेको भारतीय पर्यटक बस दुर्घटनामा परी १४ जनाको मृत्यु भएको प्रहरीले जनाएको छ ।
बसमा सवार मध्ये घटनास्थलबाट १६ जना घाइतेको उद्धार गरिएको सशस्त्र प्रहरीका सहप्रवक्ता थापाले जानकारी दिए । आज बिहान करिब पौने १२ बजे पोखरादेखि काठमाडौं आइरहेको बस दुर्घटना भएको थियो । यूपी ५३ एफटी ७६२३ नम्बरको यात्रुवाहक बस दुर्घटनामा परेको जिल्ला प्रहरी कार्यालय तनहुँले जानकारी दिएको छ ।
हालसम्म उद्धारमा खटिएका प्रहरीले १४ जनाको शव निकालेका छन भने १६ जना घाइतेहरूको उद्धार गरिएको छ ।
