प्रेस काउन्सिल नेपालले नयाँ सूचीकृत अनलाइनका लागि सञ्चालन गर्दै आएको अभिमुखीकरणको १७ औँ श्रृङ्खला २०७९ पुस १ गते शुक्रबार सम्पन्न गरेको छ ।
अभिमुखीकरणमा पत्रकार आचारसंहितासम्बन्धी विषयमा वरिष्ठ पत्रकार तथा राष्ट्रिय समाचार समितिका अध्यक्ष श्री धर्मेन्द्र झाले र आचारसंहिता अन्तर्गतका निर्देशिकाहरुका विषयमा प्रेस काउन्सिल नेपालका पूर्व सदस्य एवं पत्रकार श्री सुभेच्छाबिन्दु तुलाधरले सहभागीहरुलाई अभिमुखीकरण गराउनुभएको थियो ।
कार्यक्रममा कुल ४० वटा अनलाइन सञ्चार माध्यमका सञ्चालक र सम्पादकको सहभागिता रहेको थियो ।प्रेस काउन्सिल नेपालको कार्यक्रम हलमा सन्चालन भएको उक्त कार्यक्रममा भौतिक उपस्थिति जनाउन नसकेका अनलाइन सञ्चार माध्यमका सञ्चालक र सम्पादकहरुले भर्चुअल माध्यमबाट सहभागीता जनाएका थिए।
